ചുഴലിക്കാറ്റ് മുതൽ ഭൂകമ്പം വരെ; അപകടസാധ്യതകൾ വിശദീകരിച്ച് ഒമാന്റെ ദേശീയ റിസ്ക് രജിസ്റ്റർമസ്കത്ത് |അടിയന്തര സാഹചര്യങ്ങളെ ഫലപ്രദമായി നേരിടാൻ നാഷണൽ റിസ്ക് രജിസ്റ്ററിന്റെ പൊതുപതിപ്പ് പഠിച്ച് ആവശ്യമായ മുൻകരുതലുകൾ സ്വീകരിക്കണമെന്ന് നാഷണൽ കമ്മിറ്റി ഫോർ എമർജൻസി മാനേജ്മെന്റ് പൊതുജനങ്ങളോട് അഭ്യർഥിച്ചു.ചുഴലിക്കാറ്റ്, വെള്ളപ്പൊക്കം, ഭൂകമ്പം, സുനാമി, പകർച്ചവ്യാധികൾ, എണ്ണ-രാസവസ്തു ചോർച്ച, സേവന തടസ്സങ്ങൾ തുടങ്ങി ഒമാനെ ബാധിക്കാവുന്ന പ്രധാന അപകടസാധ്യതകളും പ്രതിരോധ മാർഗങ്ങളും രജിസ്റ്ററിൽ ഉൾപ്പെടുത്തിയിട്ടുണ്ട്.അടിയന്തര സാഹചര്യങ്ങളിൽ ഔദ്യോഗിക സർക്കാർ വിവരങ്ങൾ മാത്രം വിശ്വസിക്കണമെന്നും ബന്ധപ്പെട്ട അധികൃതരുമായി സഹകരിക്കണമെന്നും കമ്മറ്റി നിർദേശിച്ചു.