*ഖത്തറിൽ ഡ്രൈവിംഗ് ലൈസൻസ് നേടുന്നതിനുള്ള വ്യവസ്ഥകളും ഫീസുകളും സംബന്ധിച്ച് ആഭ്യന്തര മന്ത്രാലയം (MoI) പുറത്തിറക്കിയ വിവരങ്ങൾ*(22 Sep 2026)*അടിസ്ഥാന ആവശ്യകതകൾ*: * ഐഡന്റിറ്റി പ്രൂഫ് സമർപ്പിക്കണം. * വ്യക്തിഗത ഫോട്ടോ നൽകണം. * ഡ്രൈവിംഗിനെ ബാധിക്കുന്ന തരത്തിലുള്ള ശാരീരിക വൈകല്യങ്ങൾ ഇല്ലെന്ന് സ്ഥിരീകരിക്കുന്ന പരിശോധനയും കണ്ണ് പരിശോധനയും ഉൾപ്പെടെയുള്ള മെഡിക്കൽ പരിശോധനാ റിപ്പോർട്ട് സമർപ്പിക്കണം. * താമസക്കാർക്കായി സാധുവായ റെസിഡൻസ് പെർമിറ്റ് (RP) ഉണ്ടായിരിക്കണം.പ്രായപരിധി * മോട്ടോർ സൈക്കിൾ, ലൈറ്റ് വെഹിക്കിൾ, പ്രത്യേക പരിഗണന അർഹിക്കുന്നവർക്കായുള്ള ലൈസൻസുകൾ, ലേണേഴ്സ് ലൈസൻസ് എന്നിവ ലഭിക്കുന്നതിന് അപേക്ഷകന് കുറഞ്ഞത് 18 വയസ്സ് തികഞ്ഞിരിക്കണം. * ഹെവി വെഹിക്കിൾ, ഹെവി മെഷിനറികൾ, പബ്ലിക് ട്രാൻസ്പോർട്ട് ലൈസൻസുകൾ എന്നിവയ്ക്കായി അപേക്ഷിക്കാൻ കുറഞ്ഞത് 21 വയസ്സ് തികഞ്ഞിരിക്കണം.*ലൈസൻസ് ഫീസ്*: * മോട്ടോർ സൈക്കിൾ: ഖത്തരികൾ അല്ലാത്തവർക്ക് 5 വർഷത്തേക്ക് 150 ഖത്തർ റിയാൽ (QR). * ലൈറ്റ് വെഹിക്കിൾ: ഖത്തരികൾ അല്ലാത്തവർക്ക് 5 വർഷത്തേക്ക് 250 ഖത്തർ റിയാൽ (QR). * ഹെവി വെഹിക്കിൾ (ബസുകൾ, മീഡിയം ട്രക്കുകൾ, ട്രാക്ടർ-ട്രെയിലറുകൾ ഉൾപ്പെടെ): ഖത്തരികൾ അല്ലാത്തവർക്ക് 5 വർഷത്തേക്ക് 300 ഖത്തർ റിയാൽ (QR). * മെഷിനറി അല്ലെങ്കിൽ ഉപകരണങ്ങൾ (എക്സ്‌കവേറ്ററുകൾ, ക്രെയിനുകൾ, ലോഡറുകൾ, ഫോർക്ക്‌ലിഫ്റ്റുകൾ ഉൾപ്പെടെ): ഖത്തരികൾ അല്ലാത്തവർക്ക് 5 വർഷത്തേക്ക് 300 ഖത്തർ റിയാൽ (QR). * മോട്ടോർ വാഹനമോടിക്കാൻ പരിശീലിപ്പിക്കുന്നതിനുള്ള താൽക്കാലിക ലൈസൻസ്: മൂന്ന് മാസത്തേക്ക് 150 ഖത്തർ റിയാൽ (QR). * ഡ്രൈവിംഗ് ടെസ്റ്റ് (ഒരു തവണത്തേക്ക് ഫയൽ തുറക്കുന്നതിന്): 50 ഖത്തർ റിയാൽ (QR).*മെഡിക്കൽ ഫിറ്റ്‌നസ് ആവശ്യകതകൾ*: * ലൈസൻസിങ് അതോറിറ്റി നിശ്ചയിച്ചിട്ടുള്ള അധികാര കേന്ദ്രം നൽകുന്ന മെഡിക്കൽ ഫിറ്റ്‌നസ് സർട്ടിഫിക്കറ്റ് അപേക്ഷകൻ നൽകണം. * കാഴ്ചശക്തിയും ശാരീരികക്ഷമതയും വ്യക്തമാക്കുന്നതും ഡ്രൈവിംഗിനെ തടസ്സപ്പെടുത്തുന്ന മറ്റ് ആരോഗ്യ പ്രശ്നങ്ങളോ വൈകല്യങ്ങളോ ഇല്ലെന്ന് സാക്ഷ്യപ്പെടുത്തുന്നതുമായിരിക്കണം ഈ സർട്ടിഫിക്കറ്റ്. * പ്രത്യേക പരിഗണന അർഹിക്കുന്ന വ്യക്തികൾക്കായുള്ള ലൈസൻസിനായി അപേക്ഷിക്കുന്നവർ അതത് അവസ്ഥയ്ക്ക് അനുയോജ്യമായ മെഡിക്കൽ പരിശോധന പൂർത്തിയാക്കി സർട്ടിഫിക്കറ്റ് ഹാജരാക്കണം. * റോഡ് മര്യാദകളും ട്രാഫിക് നിയമങ്ങളും ഉൾപ്പെടുന്ന സാങ്കേതിക ഡ്രൈവിംഗ് ടെസ്റ്റിൽ അപേക്ഷകർ വിജയിക്കേണ്ടതാണ്.അംഗീകൃത ഡ്രൈവിംഗ് സ്കൂളുകൾ*ആഭ്യന്തര മന്ത്രാലയം അംഗീകരിച്ച ഒമ്പത് ഡ്രൈവിംഗ് സ്കൂളുകൾ താഴെ പറയുന്നവയാണ്*: * അൽ റയ ഫ് ഡ്രൈവിംഗ് സ്കൂൾ (Al Raya Driving School) * ഗൾഫ് ഡ്രൈവിംഗ് സ്കൂൾ (Gulf Driving School) * ദോഹ ഡ്രൈവിംഗ് അക്കാദമി (Doha Driving Academy) * ഖത്തർ മോഡേൺ ഡ്രൈവിംഗ് സ്കൂൾ (Qatar Modern Driving School) * യുണൈറ്റഡ് ഡ്രൈവിംഗ് സ്കൂൾ (United Driving School) * അൽ ഖെബ്ര ഡ്രൈവിംഗ് സ്കൂൾ (Al Khebra Driving School) * അൽ ഹസ്ബ ഡ്രൈവിംഗ് സ്കൂൾ (Al Hasba Driving School) * കർവ ഡ്രൈവിംഗ് സ്കൂൾ (Karwa Driving School) * ഡല്ല ഡ്രൈവിംഗ് സ്കൂൾ (Dalla Driving School)*ലൈസൻസ് ഇല്ലാതെ വണ്ടി ഓടിച്ചാലും ഓടിക്കാൻ അനുവദിച്ചാലും ലഭിക്കുന്ന ശിക്ഷകൾ*:2015-ലെ 5-ാം നമ്പർ നിയമത്തിലെ 94-ാം അനുച്ഛേദം അനുസരിച്ച്, ഗുരുതരമായ മറ്റ് നിയമലംഘനങ്ങൾക്ക് ബാധകമായ ശിക്ഷകൾക്ക് പുറമെ, പ്രത്യേക നിയമലംഘനങ്ങൾക്ക് കുറ്റക്കാരെന്ന് കണ്ടെത്തുന്ന വ്യക്തികൾക്ക് ഒരു മാസം മുതൽ മൂന്ന് വർഷം വരെ തടവോ, 10,000 ഖത്തർ റിയാൽ മുതൽ 50,000 ഖത്തർ റിയാൽ വരെ പിഴയോ, അല്ലെങ്കിൽ ഇവ രണ്ടും കൂടിയോ ശിക്ഷയായി ലഭിക്കാവുന്നതാണ്