ഖത്തറിൽ സ്പെഷ്യലിസ്റ്റ് ഡോക്ടറെ കാണാനുള്ള കാത്തിരിപ്പ് സമയം 58 ദിവസത്തിൽ നിന്ന് 16 ദിവസമായി കുറച്ചുദോഹ | ഖത്തറിലെ പൊതുജനാരോഗ്യ സംവിധാനത്തിൽ സ്പെഷ്യലിസ്റ്റ് ഡോക്ടറെ കാണുന്നതിനുള്ള ശരാശരി കാത്തിരിപ്പ് സമയം 58 ദിവസത്തിൽ നിന്ന് 16 ദിവസമായി കുറച്ചതായി ഹമദ് മെഡിക്കൽ കോർപ്പറേഷൻ (HMC) മാനേജിംഗ് ഡയറക്ടർ എച്ച്.ഇ. മൊഹമ്മദ് ബിൻ ഖലീഫ അറിയിച്ചു.‘തനാമിയ’ പോഡ്കാസ്റ്റിന്റെ പ്രത്യേക എപ്പിസോഡിലാണ് അദ്ദേഹം ഇക്കാര്യം വ്യക്തമാക്കിയത്.2024-ൽ 70,000-ത്തിലധികം രോഗികൾ സ്പെഷ്യലിസ്റ്റ് ചികിത്സയ്ക്കായി കാത്തിരിപ്പ് പട്ടികയിലുണ്ടായിരുന്നത് വലിയ വെല്ലുവിളിയായിരുന്നു. റഫറൽ മുതൽ സ്പെഷ്യലിസ്റ്റ് ചികിത്സ ലഭിക്കുന്നതുവരെയുള്ള രോഗികളുടെ മുഴുവൻ അനുഭവവും വിലയിരുത്തിയ ശേഷമാണ് പുതിയ പരിഷ്കാരങ്ങൾ നടപ്പിലാക്കിയതെന്ന് അദ്ദേഹം പറഞ്ഞു.🔹 പ്രധാന നടപടികൾ🏥 സ്വകാര്യ ആശുപത്രികളുമായി സഹകരിച്ച് പ്രവർത്തനം ശക്തമാക്കി.🕐 ക്ലിനിക്കുകളുടെ പ്രവർത്തന സമയം വൈകുന്നേരങ്ങളിലേക്കും നീട്ടി.🔄 ചില ക്ലിനിക്കുകൾ രണ്ട് ഷിഫ്റ്റുകളിലായി പ്രവർത്തിപ്പിച്ചു.📋 Follow-up അപ്പോയിന്റ്മെന്റുകളും പുതിയ രോഗികളുടെ അപ്പോയിന്റ്മെന്റുകളും പ്രത്യേകം പരിഗണിക്കുന്ന രീതിയും നടപ്പിലാക്കി.മാസങ്ങൾക്ക് ശേഷം ഡോക്ടറെ കാണാനെത്തുന്ന രോഗികൾക്ക്, ഡോക്ടർ നിർദേശിച്ച സമയക്രമം അനുസരിച്ച് തന്നെ അപ്പോയിന്റ്മെന്റ് നൽകുന്നതാണ് ഉചിതമെന്നും അദ്ദേഹം കൂട്ടിച്ചേർത്തു.