*ഖത്തറിൽ അവധിക്കാലം ചെലവഴിക്കുന്നതിനിടയിൽ ലിമോസിൻ വാഹനത്തിലുണ്ടായ അപകടത്തിൽ ഗുരുതരമായി പരിക്കേറ്റ വിദേശിക്ക് 500,000 ഖത്തർ റിയാൽ നഷ്ടപരിഹാരം നൽകാൻ ഖത്തർ കോടതി വിധി*(07 Oct 2026)ഇൻവെസ്റ്റ്‌മെന്റ് ആൻഡ് ട്രേഡ് കോർട്ടിന്റെ വിധി അപ്പീൽ കോടതി ശരിവച്ചു. വാഹനം ഓടിച്ച ഡ്രൈവർ, അദ്ദേഹം ജോലി ചെയ്തിരുന്ന കമ്പനി, വാഹനത്തിന്റെ ഇൻഷുറൻസ് കമ്പനി എന്നിവരാണ് ഭൗതികവും ധാർമ്മികവുമായ നഷ്ടങ്ങൾ ഉൾപ്പെടുന്ന ഈ നഷ്ടപരിഹാരം നൽകേണ്ടത്.നട്ടെല്ലിന് ഒടിവ്, ഇടത് കൈയിലെ വിരലിന് ഭാഗികമായി നഷ്ടപ്പെടൽ, ചെവിയിലെ കർണ്ണപടത്തിന് തകരാറ് സംഭവിച്ചതിനെത്തുടർന്ന് കേൾവിശക്തിക്ക് ഭാഗികമായി സംഭവിച്ച കുറവ് എന്നിവയുൾപ്പെടെയുള്ള ഗുരുതരമായ പരിക്കുകളാണ് അദ്ദേഹത്തിന് ഉണ്ടായത്.ഖത്തറിനുള്ളിലും പുറത്തുമായി ചികിത്സയ്ക്കായി വലിയ തോതിലുള്ള മെഡിക്കൽ ചെലവുകൾ വരികയും, ജോലി ചെയ്യാൻ കഴിയാത്തതിനാൽ വരുമാനം നഷ്ടപ്പെടുകയും ചെയ്തു.അപകടത്തിന് കാരണക്കാരനായ ലിമോസിൻ ഡ്രൈവറെ ക്രിമിനൽ കോടതി നേരത്തെ കുറ്റക്കാരനാണെന്ന് കണ്ടെത്തിയിരുന്നു. ഈ വിധിതിരെ അപ്പീൽ പോകാതിരുന്നതിനാൽ സംഭവത്തിൽ അദ്ദേഹത്തിന്റെ ഉത്തരവാദിത്തം സ്ഥിരീകരിക്കപ്പെട്ടു.ഫസ്റ്റ് ഇൻസ്റ്റൻസ് കോടതി ഡ്രൈവർ, ലിമോസിൻ കമ്പനി, ഇൻഷുറൻസ് കമ്പനി എന്നിവർ ചേർന്ന് പരിക്കേറ്റ സന്ദർശകന് നിയമപരമായ ചെലവുകൾക്ക് പുറമെ 500,000 ഖത്തർ റിയാൽ സമഗ്ര നഷ്ടപരിഹാരമായി നൽകാൻ ഉത്തരവിട്ടിരുന്നു.എന്നാൽ ഇൻഷുറൻസ് കമ്പനിയും പരിക്കേറ്റ സന്ദർശകനും ഈ വിധിക്കെതിരെ അപ്പീൽ നൽകുകയുണ്ടായി. ചികിത്സാ ചെലവുകൾ, വരുമാന നഷ്ടം, മാനസിക ബുദ്ധിമുട്ടുകൾ എന്നിവ കണക്കിലെടുത്ത് തനിക്ക് 3 ദശലക്ഷം ഖത്തർ റിയാൽ നഷ്ടപരിഹാരം വേണമെന്ന് സന്ദർശകൻ ആവശ്യപ്പെട്ടിരുന്നു.ഡ്രൈവറുടെ അശ്രദ്ധയും, ട്രാഫിക് നിയമങ്ങൾ പാലിക്കുന്നതിലും മുൻപിലുള്ള വാഹനവുമായി ആവശ്യത്തിന് സുരക്ഷിത അകലം പാലിക്കുന്നതിലും പരാജയപ്പെട്ടതുമാണ് അപകടത്തിന് കാര്യമെന്ന് കോടതി ചൂണ്ടിക്കാണിച്